Ballina Kosove Hamza: Përveç PDK-së, të gjitha partitë tjera politike i kanë dëmtuar qytetarët

Hamza: Përveç PDK-së, të gjitha partitë tjera politike i kanë dëmtuar qytetarët

0

Kryetari i grupit parlamentar të PDK-së, Bedri Hamza, në seancën e sotme të Kuvendit të Kosovës kritikoi Qeverinë Kurti dhe ish-Qeverinë Hoti, që sipas tij kanë qenë koalicion i dëmtimit të vendit, raporton Gazeta Express.

Ai tha se as LDK-ja e as LVV-ja nuk kanë arritur ta votojnë me kohë Buxhetin e Kosovës, dhe se PDK-ja do ta përkrahë mocionin procedural për votimin e Buxhetit.

“Këto parti politike, në përjashtim të PDK-së i kanë bërë sherr Kuvendit e i kanë bërë sherr popullit. Ato kanë ardhur me premtime se do të jenë koalicion i shpresës, por doli që është koalicion i dëmtimit të interesit të vendit. Me qenë mirë, Qeveria e kish aprovuar Buxhetin në kohë, pa pas nevojë që vendi të vie në këtë situatë”, tha ai.

Hamza tha se Qeveria Hoti nuk do të duhej të ishte në pushtet në momentin që nuk i ka numrat për t’i kaluar as iniciativat ligjore.

“Nuk e di pse një qeveri vendos me qëndru në pushtet kur nuk i ka numrat për t’i kaluar as iniciativat ligjore. Edhe Vetëvendosje duhet të ketë një konsistencë dhe t‘i mbajë mend disa çështje. PDK ka kërkuar mocion procedural për t’i futur në rend të ditës ligjet për pakot emergjente dhe një gjë e tillë është kundërshtuar nga qeveria e atëhershme LDK-LVV”, ka shtuar ai./Express


PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu