Ballina Kosove Haziri: Vjosa Osmani nuk është përjashtuar nga LDK-ja por…

Haziri: Vjosa Osmani nuk është përjashtuar nga LDK-ja por…

0

Nënkryetari i Lidhjes Demokratiket të Kosovës Lutfi Haziri ka folur rreth mundësisë së një takimi me Vjosa Osmanin për të biseduar rreth krijimit të një uniteti brenda LDK-së.

Ai ka thënë në Pressing T7 se asnjëherë nuk e ka përjashtuar mundësinë e një takimi me Vjosa Osmanin dhe se kjo e fundit nuk është përjashtuar nga Lidhja Demokratike e Kosovës.

“Me Vjosa Osmani kemi bashkëpunuar në zgjedhjen e Isa Mustafës kryetar dhe mandej nominimin e Vjosës për kryeministre, të cilën e kam mbështetur pa rezervë. Veprimi i saj politik ka qenë se nuk dua të qëndroj në një ambient ku nuk ndihem e lirë. Vjosa Osmani nuk është shkarkuar nga LDK-ja”, është shprehur ai.

Haziri e ka pranuar se nuk ka pritur që LDK-ja të pësojë humbje në zgjedhjet e parakohshme për kryetar të Podujevës, ku pas 20 vjetësh ka humbur bastionin nga Lëvizja Vetëvendosje me Shpejtim Bulliqin.

Duke komentuar deklarimet e Osmanit se nga LDK-ja ka mbetur vetëm logoja e saj dhe se sipas Isa Mustafës ajo ka fituar votat vetëm duke iu falënderuar partisë që ai udhëheq, numri dy i LDK-së tha se ‘kanë bërë një gabim, pasi që i kanë kushtuar rëndësi fitores së opozitës’.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu