Ballina Kosove Sami Lushtaku fton Limajn te PDK: Le të shkrihen, ose shkojmë bashkë...

Sami Lushtaku fton Limajn te PDK: Le të shkrihen, ose shkojmë bashkë në koalicion

0

Sami Lushtaku ka thënë se është një nga ithtarët e vetëm që PDK të shkoj me Nismën në koalicion. Për Indeksonline, ish-kryetari i Skënderajit ka thënë se do të donte që të Nisma e Limajt të shkrihet në PDK.

“Unë jam një të vetmit në parti që e kam dëshirën që Limaj të jetë pjesë e PDK-së. Jam deri në skejt në idenë që PDK të shkoj me Nismën në koalicion. Fatmirin e kam shok dhe e respektoj shumë. Kërkesa ime ishte që mos të ketë Nismë fare, që Limaj të vije në PDK, por nuk e di nëse do të realizohet. Kam patur kontakte dhe do kem përsëri me Limajn për këtë temë” ka thënë Lushtaku për Indeksonline.

Lushtaku ka konfirmuar për Indeksonline se në këto zgjedhje nuk do të jetë kandidat për deputet nga PDK.

“S’e kam mendjen me kandidu për deputet, djali im Mërgimi po” ka thënë ai.

I fuqishmi i PDK-së ka thënë se ka një dëshirë të zjarrt që pjesë e listës për deputet të jetë edhe Albin Kurti nga Vetëvendosje.

“Kisha pas qef Albini me kandidu. Më vjen keq nëse ndodhë moskandidimi i tij. Kam qef me pa Albinin” ka thënë Lushtaku.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu