Ballina Lajme Zemaj i premton estradës kompensim për humbjet nga pandemia

Zemaj i premton estradës kompensim për humbjet nga pandemia

0

Ministri i Shëndetësisë, Armend Zemaj, sot është takuar me estradën. Ai njoftoi se ata do të përfshihen në paketën ekonomike, për kompensim.

Ai tha se rekomandimet që mori sot do t’i shtrojë për diskutim që masat e marra të prekin sa më pak ata dhe të jenë sa më të lehta për të gjithë, edhe për artistët.

Njoftimi i plotë:

Në një takim me estradën, theksova se ndjejmë përgjegjësinë për mbarëvajtjen e shëndetit publik dhe shëndetësisë, duke u kujdesur me tërë mundësitë që të pengojmë sëmundjet, para shërimit. Të tilla janë edhe masat anticovid.

Ato vendime, janë jo çdo herë të lehta, por domosdo duhet respektuar.

Sigurisht, rekomandimet e marra gjatë takimit të sotëm, do t’i shtroj për diskutim që masat e ndërmarra të prekin sa më pak ata dhe të jenë sa më të lehta për të gjithë, edhe për artistët.

Besoj, ceka në takim, me paketën ekonomike të gjitha veprimtaritë që janë dëmtuara nga pandemia duhet të përfshihet për kompensim.

Punë të përbashkët, rezultate të përbashkëta andaj vlerësimi e pastaj edhe përgatitja për ecjen më tej do te jenë fokus i punës sonë të përbashkët!

Secili të japim maksimumin për ta luftuar virusin. / KultPlus.com

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu